Младата македонска тенисерка Сара Митевска го заврши настапот во квалификациите на ИТФ турнирот во Анталија, кој се игра за награден фонд од 15.000 долари. По неизвесен распоред и повеќе одложувања, денеска беше доигран мечот од второто квалификациско коло.
Противничка на Митевска беше третата носителка во квалификациите, српската тенисерка Клара Ваја, која по голема борба славеше со 2-0 во сетови (6:4, 6:4). Натпреварот започна претходниот ден, но беше прекинат во првиот сет при водство од 5:3 за Ваја, за денеска да добие конечен епилог.
И покрај елиминацијата, настапот во Анталија претставува важно искуство за Митевска, која во продолжение од сезоната ќе има и обврски во младинска конкуренција, каде што ќе продолжи со градење на својата тениска кариера.
