Вечерва се одигра уште еден меч од последното есенско коло на Првата футсал лига – тимот на Кеги Моби со 1:3 славеше над Шкупи.
Првиот дел помина со два гола – Несар Фазлиу му донесе водство на Шкупи кое траеше една минута откако Петар Левков погоди за 1:1 на пауза.
Во вториот дел велешкиот тим рано ја обезбеди предност откако Димче Андов погоди во 23. минута за комплетен пресврт, а шест минути подоцна Николе Стојановски ги постави конечните 1:3.
Претходно, Форца доживеа изненадувачки пораз од Мал Ајакс, извештајот на Спортска Мрежа за тој меч можете да го прочитате тука, а пак Јувентус Серава го доби тимот на Балкан, извештајот од тој меч го имате овде.
Колото се комплетира утре со два меча – во Крива Паланка ќе се соочат Осогово и Клими, а пак Бутел ќе игра против непоразениот лидер Проект на домашен терен.
