Вечерва се одиграа три натпревари од 9. коло на Втората футсал лига, најмногу погодоци имаше во Брвеница каде беа постигнати 19 гола за голем триумф на СЕЕ Университи над Партизан Југ во локалното дерби кое заврши со 8:11.
Гостинот победата ја однесе на крилата на Хисен Мемеди кој постигна неверојатни седум гола, а по еден гол постигнаа Едис Муртезани, Самир Рамадани, Амин Шаќири и Арти Селмани.
За домашниот тим кој забележа пораз пред својата публика двојни стрелци беа Илија Јанкулоски, Даниел Радески и Марко Стојковски, а пак Даниел Јандриески беше стрелец на еден гол, додека пак Амин Шаќири си постигна автогол.
Црна Река се намачи кај „фенерџијата“ Карадаку откако во Липково славеше со 4:6. Во првиот резултат беше 2:2, а тоа донесе возбудлив меч и можност за први бодови на домаќинот, кој во второто полувреме го загуби мечот.
Нуриамет Саити погоди двапати, а по еднаш Есат Рамани и Зејнула Мустафи за домаќинот, за гостинот хет-трик постигна Никола Димов, а п еден гол Стојан Петковски, Јане Јаковлевски и Димитар Чоков.
Каршиака на домашен терен го доби тимот на Конзули од Битола со убедливи 4:1. Победникот се реши во вториот дел, откако во првото полувреме погоди само Сеад Јакупи за 1:0 на полувреме. Во вториот дел Фуркан Ќани, Енес Ибраими и Нехат Емини погодија за домашниот тим, а за гостинот од Битола погоди Виктор Гелевски за ублажување на поразот.
Колото се комплетира утре во Кочани со мечот меѓу Фудбал Старс Аутовелт и Овче Поле од Свети Николе. Вчера, тимот на Кратово забележа висока победа над ССК Скопје во Пробиштип, а целиот извештај од тој меч го имате овде.
