Голеадата на турнирот во мал фудбал „Стојаково 2025“ продолжува и вечерва откако одново беа постигнати многу погодоци, но се случи и тоа еден меч да заврши без погодоци.
Во мечот кај јуниорите 2010/2011 натпреварот меѓу Фавела Бојс и Маркет Го-Да Чонов Микро заврши без погодоци 0:0, а пак кај јуниорите 2012/2013 тимот на Mild Home Store заврши со убедливи 6:1 декласирајќи го тимот на Дојранско Езеро.
Кај сениорите првиот меч понуди дури десет погодоци – публиката проследи супер интересен и неизвесен меч откако Клик Гевгелија загуби од Илинден 2007 со резултат од 4:6.
Во вториот меч кај сениорите односно четвртиот меч на програмата понуди дури 11 гола, со што уште еднаш се потврди големиот процент на постигнати погодоци. Алупласт Васил Јосифово со 9:2 го декласираше убедливо Дизел Кале Тобако Марија.
Утрешниот ден (петок 19 декември) ќе биде слободен, а возбудувањата продолжуваат викендот со натпреварите за сабота и недела.
