Ракометарите на Бутел Скопје го надиграа големиот ривал и направија значаен чекор кон плеј-офот. И покрај почетната негатива од 5-2, гостите брзо се консолидираа и до крајот ја контролираа играта, водeјќи и со девет гола предност во еден момент.
Филип Николов блесна со четиринаесет погодоци, а Тодор Узунчев додаде пет. Голманот Благојче Трајкоски имаше дванаесет одбрани, додека Александар Стојаноски запре три пенали, обезбедувајќи сигурност во одбраната.
Пролет се обиде да се врати во финишот, но не успеа да ја загрози победата на Бутел. Кај домашните, Томислав Димковски постигна пет гола, а Давор Палевски четири, со вкупно 13 интервенции на голманите Златко Даскаловски и Бојан Солев.
Со овој триумф, Бутел Скопје се искачи на петтото место со 18 бодови, пред Тиквеш со 16. Пролет останува на деветтото место со 12 бодови.
Во следното коло, кое го затвора есенскиот дел, Бутел ќе игра дома против Алкалоид, а Пролет гостува кај Еурофарм Пелистер 2.
