Железарец останува непоразен лидер откако го доби дербито со Црна Река – ова беше пресметка на двата лански второлигашки, а лидерот беше подобар со 4:2.
Мечот од 7. коло на Втората футсал лига донесе шест гола во Автокоманда, а мечот го одбележа и црвениот картон на Тони Гацев кој го заработи во 18. минута, иако прво доби жолт картон, но веднаш судијата му додели директен црвен.
Домашниот тим преку Дејан Кајсторовски го отвори резултатот во 10. минута, а по пет минути Дарко Насевски зголеми на 2:0. По црвениот картон на Гацев, гостинскиот тим од Кавадарци успеа да намали на 2:1 преку голот на Ѓорѓи Стрезовски.
Во вториот дел Мирко Богески зголеми на 3:1, а Црна Река преку Стојан Петковски намали на 3:2 во обид да дојде и до израмнување, но Железарец преку вториот гол на Кајсторовски стигна до конечните 4:2.
„Фенерџијата“ Карадаку немаше сили за ССК Скопје и на домашен терен во Липково загуби со 1:6. За домаќинот единствен стрелец беше Шуајб Шукрија, а за гостинот двапати стрелаше Снатијаго Ариф, како и Реџеп Бислим, а по еден гол постигнаа Несум Сулејман и Спасе Здравевски.
Трите бодови останаа во Брвеница откако Партизан Југ славеше на Овче Поле со 6:3, Ивица Ангелески постигна три гола, а пак Даниел Радески два гола, додека пак Антонио Ѓорѓевски беше стрелец на еден гол. За гостинот од Свети Николе во првиот дел погоди Роберто Андонов, а во вториот дел Лео Саздев и Аки Мемедалиев.
Во Пробиштип беа постигна дури 16 гола – Кратово ја загуби голеадата со Каршиака со резултат од 6:10. За домашниот тим Бобан Начковски двапати погоди, а по еднаш Кевин Јакимов во првиот дел и во вториот дел Димитар Стојановски, Ѓорѓи Ивановски и Валентино Јовановски.
За гостинот по три гола постигна Енис Ибраими и Сеад Јакупи, а пак Фуркан Ќани беше стрелец на два гола, додека пак Нехат Емини и Хамза Садики погодија по еднаш.
Вчера, како што веќе објави Спортска Мрежа екипата на Фудбал Старс Аутовелт го доби Конзули со 7:1.
