Актуелниот шампион Форца со одлично второ полувреме го доби Клими за триумф од 5:2 во одложениот меч од 2. коло на Првата футсал лига.
Првиот дел беше доста неизвесен, гостинот од Кавадарци одлично парираше и се обидуваше да наметне своја игра и да воспостави резултатска предност во Куманово.
По три минути Јесус Алејандро Ривас Миранда го отвори резултатот за водство од 1:0. Но, резултатската предност не траеше долго, Мартин Никовиќ во 11. минута погоди за 1:1, а веќе во 18. минута следуваше пресврт и водство на Клими од 1:2 со голот на Виктор Аризанов.
По една минута игра Форца успеа да го израмни резултатот на 2:2 преку Јасир Зекири.
Во вториот дел Форца се мачеше да го скрши отпорот на Клими, а до ново водство шампионот дојде преку Артан Јунузи во 35. минута, потоа Клими прими уште два брзи гола за конечни 5:2, откако Берат Рамадани во 38. минута погоди за 4:2, а пак Таулант Исмаили во 39. минута за конечни 5:2.
