Момците од EUROEDIL HOLDING го отворија учеството на престижниот Red Bull Half Court 3х3 турнир во кошарка во Дубаи со убедлива победа против екипата од Соединетите Американски Држави, завршувајќи го натпреварот со резултат 13-7. Победата им донесе важни бодови во рамки на групната фаза и ја потврди нивната сериозна амбиција за висок пласман на завршниот турнир.
Екипата, составена од две братски двојки, кои се одликуваат со репрезентативно искуство – Елвис и Амар Хот, како и Карло и Паоло Блажевски – минатата година исто така го освојуваа турнирот Red Bull Half Court, кој веќе трета година по ред се одржува на добро познатиот терен во Влае. Искуството и хемијата меѓу играчите се покажа како клучен фактор за стартниот успех во Дубаи.
Следни пред нив се натпревари против екипите од Малдиви и Јужна Африка, со што групната фаза ќе биде комплетирана. Финалето е закажано за утре, на 29. ноември, а фановите со нетрпение очекуваат дали EUROEDIL HOLDING ќе успее да ја одбрани титулата и оваа година на меѓународната сцена.
