По единаесет одиграни кола во Првата македонска фудбалска лига и натаму непоразен лидер е Работнички, кој на своето конто има 23 бодови или три повеќе во однос на Шкендија која е втора со 20 бодови, а толку бодови има и Силекс кој е на третото место, како и Гостивар кој е на 4. место.
Во горниот дел од табелата е вистинска мешаница и борба како за титулата, така уште поголема борба за излез во Европа. Шкупи и шампионот Струга имаат по 16 бодови и заедно го делат петтото место на табелата, па и овие две екипи секако ќе фаќаат приклучот и ќе бараат место во Европа, но „виза“ за Европа за секој нема, некои екипи ќе извисат.
Беса, Пелистер и Брера Струмица имаат по 12 освоени бодови и го делат седмото место на прволигашката табела по 11 одиграни кола.
Во долниот дел израмнето, Тиквеш и Вардар имаат по осум бодови, а на дното е Воска Спорт со седум бодови на своето конто.
- ТАБЕЛА ОД ПРВАТА ЛИГА 11. КОЛО:
Веќе од среда кога ќе биде одиграно 12-тото вонредно коло започнува вториот круг од Првата лига, а тоа ќе значи дека екипите кои сакаат да ги остварат своите цели мора посериозно да ја сфатат работата, особено оние во долниот дел, со цел да немаат комплицирана и тешка пролет.
