Есенската полусезона во Втората женска фудбалска лига заврши, Кочани со максимални 21 бод е есенски шампион, а есенската полусезона ја затвори на домашен терен со убедлива победа од 3:1 во дербито со второпласираниот Вардар.
Без многу проблеми искусната Афродита Салихи постигна хет-трик, а за Вардар стрелаше Џенита Кицара.
Билјанини Извори со 9:0 го декласираше Порече на домашен терен, во меч каде Ивана Николоска имаше четири гола, хет-трик за Марија Јулчовска, Стефанија Ристова и Марија Давчевска по еден гол.
Плачковица со 7:0 ја декласираше Победа од Валандово на домашен терен, каде Марија Бојкова постигна четири гола, а по еден постигнаа Михаела Здравева, Јасмина Манева и Елеонора Николовска.
Борец како “фенерџија’ ја заврши сезоната, но ако е за утеха со еден бод, откако ремизиташе со дебитантот Слободен играјќи 1:1.
Нина Алексовска во 19. минута погоди за 0:1, а во вториот дел Мери Трајковска ги постави конечните 1:1.
Кочани е есенски шампион со максимални 21 бод, Вардар е втор со 16 бодови, Билјанини Извори е трет со 15 бодови. Плачковица е на 4. меато со 13 бодови, Порече има седум бодови и се наоѓа на петтото место, шестта е Победа Валандово со пет бода. Дебитантот Слободен заврши како претпоследен со два бода, а Борец на дното како осми со само еден бод.
Кон почетокот од месец март 2025 година ќе започне пролетниот дел од Втората женска фудбалска лига.
Во следниот период ќе направиме детална анализа на есенската полусезона и за квалитетот на Втората женска фудбалска лига.
