По осум одиграни кола во Трета лига – Север новиот третолигаш Пчиња е на дното како последнопласиран со три бодови на своето конто, односно скор од една победа и седум порази.
Меѓутоа претседателот на клубот, Бобан Маневски за Спортска Мрежа изјави дека како што вели судиите суделе против нив, додава дека размислуваат да ја напуштат Трета лига – Север.
„Не сум задоволен од страна на судиите во Трета лига – Север од натпревар во натпревар се полошо и полошо судат против нас. Навистина не е коректно некој што има толку време вложено во фудбалот на некој начин да ги згаснат. Јас сум свесен дека и росторот на играчи не ни е комплетен поради повредени играчи и поради играчи кои имаат црвени картони, затоа имаме и лоши резултати. Но, на последните три кола доминиравме на секое поле, но бевме оштетени од страна на главните судии. На последното коло кое го игравме вчера против Еуромилк ГЛ одигравме перфектен натпревар докажавме дека имаме име и презиме, до 86. минута резултатот беше 0:0, во 87. минута главниот судија досуди пенал во корист на домаќинот, ова е срамота и жално за фудбалот во Македонија, но ќе оставиме на Господ да пресуди, доколку продолжат вака ние ќе се повлечеме од Трета лига – Север, но за нашето повлекување некој ќе треба да сноси одговорност. Ние влеговме во лигтсоата да покажеме мирен и професионален фудбал со волја и мерак, не не уништувајте, не е фер и коректно“, рече Маневски во изјава за Спортска Мрежа.
Во следното деветто коло кое се игра викендот екипата на Пчиња на домашен терен ќе ја бара втората сезонска победа против Риниа, која доколку ја добие би можела Пчиња да прогресира од едно место, но значително да се доближи бодовно до местата кои гарантираат директен опстанок.
