Радовиш повторно испраќа талент на европската ракометна мапа. Младиот и перспективен десен бек Ѓеорѓи Соколов, кој минатата сезона настапуваше за РК Радовиш, од оваа година го продолжува својот развој во Германија, потпишувајќи за клубот TV Bissendorf-Holte.
Само 18 години, а веќе дел од една од најсилните младински ракометни лиги во Европа – Juniorske Bundesliga (JBLH U19). Таму Соколов ќе настапува во текот на сезоната, а од клубот најавуваат дека ќе добие шанса да заигра и за сениорскиот тим во германската Трета лига, што ќе му донесе огромно искуство и напредок.
Во РК Радовиш, Соколов важеше за голем талент кој максимално ја користеше довербата од стручниот штаб и постојано покажуваше дека поседува сериозна ракометна интелигенција и силен шут. Младиот радовишанец не крие дека се надева и на повик во младинската репрезентација на Македонија, каде верува дека може да даде голем придонес.
Соколов е во редовите на TV Bissendorf-Holte од крајот на септември, каде тренира и со првиот тим и со јуниорската екипа, а веќе ги забележа и своите први настапи во новата средина. Пред него е сезонa исполнета со предизвици, но и со огромна шанса за развој.
