Утре ќе биде отворено 11. коло од Првата македонска фудбaлска лига а со тоа ги имаме и официјалните лица и судиите кои ќе ја делат правдата на натпреварите.
Првиот натпревар утре ќе се одигра во Гостивар, каде Арсими ќе го пречека Работнички со почеток од 13:30 часот. Главен судија на мечот е Влатко Илиоски од Прилеп, а ќе му помагаат Иле Мишески и Борис Трајков, исто така од Прилеп. За четврт судија е назначен Кирил Смоквоски, додека во ВАР собата ќе бидат искусните Доне Ристовски од Гевгелија и Тоше Ицев од Кавадарци. Оператор за повторување снимка е Петар Стојановски, делегат на натпреварот Дејан Боневски, а контролор Марјан Кировски од Скопје.
Во вториот натпревар за утре, Ѓорче Петров на домашен терен ќе го пречека Башкими, исто со почеток од 13:30 часот. Главен судија ќе биде Бењамин Ќерими од Скопје, а негови помошници се Александар Ѓорески и Идриз Идризи, додека четврти судија е Фуркан Идризи, сите од Тетово. Во ВАР собата ќе бидат Стојанче Стојанов и Кристијан Џонов од Штип, оператор на снимка е Деан Стефков, делегат Венцо Зафиров од Штип, а контролор Тони Глигоров од Струмица.
Во четврток на програмата се уште два натпревари. Во Скопје, на стадионот во Чаир, Шкупи ќе ја пречека Струга Трим Лум (13:30 ч.). Главен судија е Благојче Ралевски од Битола, со помошници Владимир Митревски (Битола) и Бојан Ивановски (Скопје). Четврти судија е Марјан Младеновски (Скопје), додека во ВАР собата ќе бидат Александар Урошевиќ од Тетово и Вјолца Изеири од Гостивар. Оператор на снимка е Жарко Пејковски, делегат Сулејман Ибиши (Тетово), а контролор Крсте Даниловски од Скопје.
Во Битола, под рефлектори, од 17:00 часот ќе се одигра дербито меѓу Пелистер и Тиквеш. Главен судија е Доне Ристовски од Гевгелија, со помошници Дино Конески од Прилеп и Роберт Црвенов од Велес. Четврти судија ќе биде Боби Величков, во ВАР собата ќе бидат Никола Костенчев и Дарко Видиниќ (Скопје), оператор на снимка Диме Димовски, делегат Хајро Бабачиќ, а контролор Сашо Лазаревски.
Во петок во Струмица ќе се сретнат Брера Струмица и Шкендија (13:30 ч.). Главен судија е Александар Грујоски од Кичево, а ќе му помагаат Зоран Јанкуловски и Куштрим Лика, додека четврти судија е Марјан Стојановски, сите од Кичево. Во ВАР собата се Стојанче Трпчевски (Скопје) и Мартин Дејаноски (Кичево), оператор Петар Мукоски, делегат Благојче Ангелески, а контролор Џенан Хајдари од Скопје.
Последниот натпревар од колото ќе се одигра исто така во Скопје меѓу Вардар и Силекс, со почеток во 13:30 часот. За главен судија е назначен Фатмир Бафто од Охрид, помошници се Горан Балески и Разме Бакрачевски, а четврти судија е Јован Качевски (Струга). Во ВАР собата ќе бидат Игор Стојчевски и Гоце Петрески (Скопје), оператор на снимка Виктор Васев, делегат Славе Ѓоргоски, а контролор Делчо Јакимовски од Скопје.
