Утре на Градскиот стадион во Валандово ќе биде одигран одложениот натпревар меѓу Победа Валандово и Дојранско Езеро, меч од 6. коло на Трета лига – Исток.
Натпреварот ќе започне во 13:30 часот, а цената на билетот изнесува 100 денари.
„Ова е заостанат натпревар, па затоа ќе се одигра во овој термин. Дојдете и бидете поддршка за нашите момци.
Само еден тим, само еден град. Само Победа, само Валандово“, велат од клубот.
Победа Валандово со поддршка на публиката и верните „калинкари“ ќе бара продолжува на победничката низа и со тоа да продолжи да го трасира патот кон баражот за Втора лига. Домаќинот ќе ја има улогата на фаворит за трите бодови.
