Репрезентацијата на Македонија вечерва ќе се соочи со Белгија во Гент, во еден од најголемите предизвици во квалификациите за Светското првенство кое се игра во 2026 година.
Одбраната ќе биде под посебен притисок, но Висар Муслиу е подготвен за предизвикот. Македонскиот репрезентативец вели дека ќе дадат се од себе на овој меч.
“Го нема Лукаку, но во Белгија има голем број квалитетни напаѓачи, и сигурно нема да биде лесно. Ќе дадеме се од себе, тоа е најмалку што можеме да направиме за Македонија. Со максимална посветеност и концентрација, со борба за секоја топка, веруваме дека можеме да ја реализираме нашата цел”, изјави дефанзивецот Висар Муслиу.
