Поранешниот младински репрезентативец на Македонија, Бехар Фета игра во одлична форма за Алуминиј од Словенија, откако постигна нов атрактивен гол и на тој начин обезбеди бод за неговиот тим.
На овој начин тимот на Фета е на три бода од второто место на табелата.
За 22-годишниот фудбалер ова е трет гол во дресот на Алуминиј, а притоа запиша и три асистенции, а во тековната сезона има и десет настапи со 805 минути игра.
Дефинитивно Бехар Фета игра во една одлична форма, а погодокот против актуелниот шампион Олимпија Љубљана е потврда за квалитетот, но и формата во која е Фета.
22-годишниот фудбалер од Скопје низ својата кариера има настапувано и за Марибор и Домжале, а во Македонија го носеше дресот на охридска Воска Спорт од каде и ја започна својата интернационална кариера. Беше дел од Фортуна, неговиот матичен клуб, потоа Њу Старс и Шкендија од Тетово.
