Македонската репрезентација до 18 години загуби минимално со 1:0 од репрезентацијата на Словачка на вториот контролен натпревар одигран во Дунајска Стреда. Единствениот погодок на мечот го постигна Давид Полтај во 57. минута.
Нашите млади фудбалери имаа идеална шанса за израмнување во 88. минута, кога Матеј Сејменов излезе сам пред голманот на домаќините, но не успеа да ја затресе мрежата. Во самиот финиш судијата не досуди очигледен пенал во корист на Македонија, па натпреварот заврши со минимален пораз.
Во првото полувреме Капинковски имаше проблеми со компактната одбрана на Словачка. Најсериозни обиди се забележаа преку Дамјан Буцевски во 42. и 44. минута, но неговите удари завршија непрецизно. По водечкиот гол на домаќините, Македонија се обидуваше да врати преку Ѓоргиев и Марковски, но без посакуван ефект.
Состав на Македонија У18:
Дарко Јовчев, Албан Рочи (80’ Стаматоски), Стефан Секирски, Андреј Димовски, Дамјан Буцевски (61’ Сејменов), Габриел Талевски (80’ Мисајловски), Мартин Ѓоргиев (72’ Танчев), Флори Иљази, Флорент Османи (61’ Марковски), Лука Варошаноски, Бојан Велков.
Селектор: Димитар Капинковски.
