Денес ќе биде отворено деветтото коло во Првата македонска фудбалска лига, а Фудбалската федерација на Македонија ги објави имињата на судиите и официјалните лица кои ќе ја делат правдата на терените низ државата.
Првиот натпревар е закажан за денес во Ѓорче Петров, каде Македонија ЃП ќе ја пречека екипата на Арсими. Главен судија ќе биде Александар Грујоски од Кичево, а нему ќе му помагаат Зоран Јанкуловски и Давор Цветаноски. Четврти судија е Марјан Стојановски, додека ВАР технологијата ќе ја надгледуваат Александар Урошевиќ и Фуркан Идризи. Оператор за повторување на снимките е Петар Мукоски. Делегат е Ненад Маркоски, а контролор на судење Љубе Ристевски.
Утре, сабота, во Струга се среќаваат Шкупи и Работнички. Благојче Ралевски од Битола е назначен за главен судија, а ќе има асистенција од Владимир Митревски и Петар Степановски. Четврти судија е Владимир Ѓорѓиевски. Во ВАР собата ќе бидат Никола Костенчев и Гоце Петрески, додека оператор за повторнување на снимките ќе биде Виктор Васев. Овој натпревар ќе го следат делегатот Тони Шалев и контролорот Џенан Хајдари.
Исто во сабота, Брера Струмица ќе го пречека Башкими од Куманово на „Благој Истатов“. Пларент Салихи ќе биде главен арбитер, со асистенти Вјолца Изеири и Дарко Јовчевски. Четврти судија е Александар Урошевиќ. На ВАР ќе бидат Стојчевски Игор и Видиниќ Дарко, а за повторување на снимките ќе биде задолжен Матеј Димитриевски. Делегат е Васко Бошевски, додека контролор Никола Караколев.
Во недела (5 октомври), дербито на колото ќе се игра на „Тодор Проески“ во Скопје, каде Вардар ќе ја пречека Струга Трим-Лум. Главен судија е Стојанче Стојанов од Штип, со асистенти Мартин Петковски и Александар Ѓурковски. Четврти судија е Ндерим Тефику. ВАР тимот ќе го сочинуваат Пларент Салихи и Вјолца Изеири, а оператор ќе биде Жарко Пејковски. Делегат е Гоце Цветановски, а контролор Дејан Јакимовски.
Ист ден, во Кратово, Силекс ќе ја пречека екипата на Тиквеш. Димитар Пилешков е назначен за главен судија, а на линиите ќе му помагаат Кристијан Џонов и Ристо Ѓорѓиев. Четврти судија ќе биде Боби Величков. Во ВАР собата ќе бидат Александар Грујоски и Мартин Дејаноски, со оператор Стојановски Петар. Делегат на овој натпревар е Горан Михајловски, а контролор Александар Ставрев.
Коло ќе се заокружи во понеделник (6 октомври) во Битола, каде Пелистер ќе ја пречека Шкендија. Главен судија е Фатмир Бафто од Охрид, со асистенти Мишо Ѓорѓиески и Климент Ристоски. Четврти судија е Јован Качевски. ВАР собата ќе ја контролираат Стојанче Трпчевски и Мартин Петковски, а со видео-снимките ќе ракува Деан Стефков. Делегат е Зоран Златановски, а контролор Јосип Бартон.
