Ракомет

ФОТО: Македонија победник на „Трофеј Македонија“, Тунижанката Ауж најдобра ракометарка

Сподели
ФОТО: Спортска Мрежа
Сподели

Женската ракометна репрезентација на Македонија е победник на меѓународниот турнир „Трофеј Македонија“, кој изминатите денови се играше во Охрид. Нашиот национален тим до трофејот стигна по ремито 25-25 во африканското дерби меѓу Египет и Тунис, резултат кој ѝ одговараше на селекцијата на Кристијан Грчевски.

Македонија во последното коло службено ја доби средбата со Грција (10-0), откако грчкиот состав поради вирусна инфекција се повлече од турнирот. На тој начин, конечниот расплет зависеше од исходот на мечот Египет – Тунис. Иако Тунис во неколку наврати имаше предност од три гола, а Египет во завршницата напаѓаше за победа и трофеј, ударот на Раван во последните секунди го одбрани голманката Буида.

Со ова реми, Македонија заврши прва со четири бода, Египет е втор со три, Тунис трети со два, додека Грција остана на последното место поради предвременото повлекување.

ФОТО: Спортска Мрежа

По завршувањето на турнирот беа доделени и индивидуални признанија. Најдобар стрелец и МВП е Фатма Ауж од Тунис, која одигра извонреден турнир, додека признанието за најдобар голман го освои Египќанката Гома Маи.

За македонската репрезентација турнирот претставуваше одлична подготовка пред претстојниот квалификациски циклус за Европското првенство и натпреварот против Словенија на 19 октомври во Битола.

Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

РепрезентацијаФудбалска репрезентација

Познати термините за баражот на Македонија против Кипар

По жрепката во Нион, УЕФА ги одреди и термините за одигрување на бараж натпреварите во сите конкуренции од Лигата на нации. Првиот дуел...

Кошарка

Скопје преживеа пресврт во финишот: Паркер ја запечати втората победа

Скопје стигна до драгоцена победа над Тиквеш Голден Игл со 97:94, во воведен натпревар од осмото коло на МТЕЛ кошаркарската Суперлига. Домаќините испуштија...

Поврзани написи
Ракомет

Алкалоид сака европско продолжение по големиот триумф над Пелистер!

Ракометарите на Алкалоид со позитивна атмосфера и дополнителна самодоверба го очекуваат следниот...

Ракомет

Блажески за Спортска Мрежа: Фаворити сме, но мораме да дадеме 100% на двата натпревари!

ГРК Охрид го очекува нов европски предизвик во третото коло од ЕХФ...

Ракомет

Вардар го скрши отпорот на Мулти Есенс – Фадуил со 11 гола го предводеше шампионот до нова победа

Ракометарите на Вардар 1961 ја оправдаа фаворитската улога на гостувањето кај Мулти...

Ракомет

По Еурофарм Пелистер, европски испит: Алкалоид има три дена до Горење

Победата над Еурофарм Пелистер со 30:28 му даде силна увертира на Алкалоид...

✕
error: Содржина е заштитена! Се забранува копирање на истата!