Скопје ја тресна Победа со осумка, без голови во Охрид и Радовиш, Беласица ја освои Виница
Денес беа одиграни натпреварите од петтото коло во Втората македонска фудбалска лига. Иако дел од средбите завршија без голови, колото донесе изненадувања и резултатски пресврти.
Во Радовиш, Детонит Плачковица и Шкендија Арачиново одиграа без победник – 0:0. Исто така, и дербито на „Билјанини Извори“ помеѓу Охрид и Кожуф заврши со идентичен резултат – 0:0.
Со голот на Христијан Драгарски, Новаци славеше со минимални 1:0 над Тетекс и освои важни три бода. Најубедливата победа ја забележа Скопје, кое со 8:1 ја декласираше Победа, нанеувајќи ѝ тежок пораз и продолжувајќи ја кризата во прилепскиот клуб.
За “пиратите” четири гола постигна Ангелов, а по еден гол постигнаа Цветков, Иса, Лазаревиќ и Горгиовски.
Брегалница успеа да слави на гостувањето кај Каменица Саса со 1:3. Темелков во 25. минута погоди за 0:1 на полувреме, а на стартот од вториот дел Таневски постигна гол за 1:1.
Масевски и Коцев потоа беа стрелци за победа од 1:3.
Слога Виница продолжи со лошите резултати, пораз дома од Беласица со 1:2. Спиркоски и Капсаров постигнаа голови за двојна предност на Беласица на полувреме, а во вториот дел Спасов даде гол за конечни 1:2.
Во Ресен, Вардар Неготино со 2:1 беше подобар од Преспа. Шабанов и Шишков погодија за 0:2 на полувреме, а во вториот дел Груевски постигна гол за да го ублажи поразот.
Нов пораз и за Големо Коњари откако загуби од Осогово со 0:2, а ова е најблагиот пораз за “фенерџијата”.
Стојковски погоди во првиот дел, а Симоски во вториот дел го постави конечниот резултат.
Со овие резултати, Втората лига останува неизвесна и интересна, а битката за врвот и за опстанокот веќе полека се заострува.
