Вечерва беше отворено 2. коло од Првата футсал лига на Македонија со луд меч во Крива Паланка, откако шампионот Форца со 5:9 славеше над Осогово преку пресврт.
Во првиот дел паднаа осум погодоци за 5:3 и водство на домашниот тим. Во меч со менување на водството, со многу шанси и атрактивни погодоци, трите бодови заминуваат на контото на Форца.
За домашниот тим двојни стрелци беа искусниот Андријан Мицевски и Давид Ристовски, а пак еден гол беше дело на Виктор Димков.
Во второто полувреме Осогово не усепа да постигне погодок, а Форца направи комплете пресврт за голема победа.
За гостинскиот тим хет-трик постигна интернационалецот од Колумбија, Кристина Алберот Беррио Хојос, а по два погодоци имаа Даниле Марињо Де Соуза како и Луис Конзало Посадо Куинтеро. Еден гол постигна Камило Андрес Гомез Ванегас, а пак Дамјан Ангеловски си постигна автогол.
Форца тргна одлично во новата сезона, во сезона во која ќе ја братни двојната титула. Во следното коло Форца ќе игра на домашен терен со Кеги Моби, а пак Осогово ќе игра со Јувентус Серава во гости.
Што се однесува до втората рунда во сабота Железарец ќе игра со Јувентус Серава, а пак в недела Кеги Моби ќе игра со Клими, Проект со Бутел, Шкупи ќе биде домаќин на Црна Река.
