В недела ќе се одиграат натпреварите од петтото коло на Втората женска фудбалска лига. Вардар на домашен терен како голем фаворит ќе игра против Порече од Македонски Брод.
Минатата сезона Вардар беше вицешампион, но не го помина баражот за влез во Првата лига, а оваа сезона борба за првото место ќе води со фаворитот Кочани.
Токму Кочани кој што е со максимален учинок на домашен терен ќе игра против дебитантот Слободен, во меч каде квалитетот е преголем и сосема очекувана ќе биде големата победа на Кочани во дуелот со Слободен, екипа која за првпат се натпреварува во Втората женска фудбалска лига.
Плачковица на домашен терен ќе игра против Борец, екипа која тргна катастрофално во новата сезона и има голем негативен учинок. Плачковица ќе биде фаворит за трите бодови против Борец кој е на дното од табелата и засега без бодови со скор од четири порази во низа, постигнати само три погодоци, а примени дури 37 погодоци.
Билјанини Извори на домашен терен како фаворит ќе игра против Победа Валандово. Трите бодови се императив за домашниот тим со цел да се вмеша сериозно во трката барем за второто место кое води кон баражот за Прва лига.
- ТАБЕЛА ОД ВТОРАТА ЖЕНСКА ФУДБАЛСКА ЛИГА 4. КОЛО:
Сите натпревари ќе започнат во 15 часот, освен мечот во Скопје меѓу Вардар и Порече кој ќе стартува во 12 часот.
