Дебитантот во Првата фудбалска лига екипата на Беса од Добри Дол официјално го назначи Берат Имери за нов шеф на стручниот штаб.
Имери доаѓа како наследник на Александар Таневски, со кого клубот спогодбено се раздели. Во претходниот период Беса беше предводена од Бурим Садики кој беше привремен тренер. Клубот разговараше со повеќе тренери, но Берат Имери седнува на тренерското столче на Беса.
Имери последно ја водеше Воска Спорт од Охрид екипа со која направи историски резултат, откако успеа од Втора лига за прпват да ја внесе во Првата македонска фудбалска лига.
Беса е дебитат во фудбалската елита на Македонија со планови и проекти кои се демелат на долгорочна основа.
45-годишниот стратег од Тетово веќе утре ќе го има првиот тренинг со новата екипа, а своето деби на тренерското столе со Беса ќе го има на мечот против Вардар на домашен терен на Градскиот стадион во Гостивар.
Беса во моментот е на деветтото место со девет бодови на своето конто.
