Мега дербито во Првата женска фудбалска лига меѓу Тиверија Брера и Љуботен кое се играше во Струмица заврши без победник, со по еден гол за конечни 1:1.
Осмата рунда од елитата се комплетираше денес со големото дерби на Општинското фудбалско игралиште со вештачка трева во Струмица, каде шампионот Љуботен се спаси од пораз во вториот дел од мечот со гол од пенал. Натпревар со голема неизвесност и борба на теренот, шанси и само два гола.
25-годишната Американка Кешлин Џејн Коплин постигна гол во 23. минута со што домаќинот дојде до водство од 1:0. Гостинот од Тетово се обидуваше да дојде до израмнувачки погодок, првиот дел заврши со гол предност за Тиверија Брера (1:0).
Во вториот дел Љуботе одновно бркаше гол негатива, а Тиверија Брера креираше шанси за втор гол. Во 60. минута од мечот Кирил Смоквоски покажа на белата точка за Љуботен, а Ингрид Јулиет Видал Исаза беше сигурена од белата точка, со што Колумбијката донесе 1:1.
До крајот на мечот и двете екипи бараа погодок и ги посакуваа трите бодови, но конечниот исход беше 1:1.
Со овој резултат Тиверија Брера останува на врвот од табелата со 19 бодови, колку што има и Љуботен кој е втор, a Саса која е трета има 18 бодови, но Саса има меч повеќе во односна на екипите од Струмица и Тетово.
Скопје е на 4. место со 12 бодови, а пак Истатов е петти со седум бодови. Ас Јунајтед не ја започна сезоната според планот има само две победи и пет порази и со шест бодови е на шесттото место. На седмата позицјиа е Топ Гол со пет бодови, Атлетико е осми до четири бодови, а пак Речица е претпоследна или во бараж зоната со три бодови.
На 10. место формално е Шкендија од Тетово која се откажа од натпреварување, а тоа ќе значи дека сезонава нема директно испаѓање од Прва лига.
