Фудбалската репрезентација на Македонија заслужено победи во дуелот со Летонија од третото коло од новото издание од Лигата на нации во групата Ц со резултат од 0:3 во Рига.
Избраниците на Милевски одиграа одлично прво полувреме, во кое има иницијатива, создаваа шанси, а од нив Македонија реализираше една за водство од 0:1 на полувреме со голот на Јани Атанасов.
Во второто полувреме Летонија беше подобра започна да прави притисок и имаше повеќе посед на топката. Но, Летонија играше, а Македонија постигна гол за 0:2 преку Лирим Ќамили кој откако влезе во игра по само четири минути на теренот даде гол за 0:2. За Ќамили ова е гол првенец во дресот на македонската репрезентација.
По тој гол Летонија се обидуваше за било што, но Македонија во финишот на мечот дојде до нов гол откако Барди одеше напред кон голот на протовникот се одби топката, па тој отпадот одлично го закачи Елмас кој постигна атрактивен гол за конечни 0:3.
Следен меч за Македонија ќе биде за три дена односно в недела против Ерменија од 18 часот.
Македонија сега има седум бодови на своето конто, а конечниот изглед на нашата табела ќе биде познат по одигрување на мечот меѓу Фарски Острови и Ерменија кој се игра вечерва.
