Одбојкарска репрезентацијаРепрезентација

Капитенката Попјордановска со порака: „Секое искуство е позитивно, но мора повеќе работа“

Сподели
ФОТО: ОФМ
Сподели

Женската А репрезентација на Македонија го заврши своето репрезентативно лето со натпреварот против Австрија во Виена, во рамките на евро-квалификациите. Ова лето, по подолго време, одбојкарките имаа две акции – настап во Европската Сребрена лига и вториот круг од квалификациите за Европското првенство 2026.

Учеството во Сребрената лига беше историско, со оглед дека по 17 години Македонија запиша победа на европско тло. Тимот заврши со два триумфи во шест меча, како и еден пораз од 3:2, со кој освои бод против фаворит.

Во евро-квалификациите шансите за пласман беа минимални поради силните ривали, а тоа се потврди и резултатски. Сепак, капитенот Емилија Попјордановска истакна дека екипата играла подобро од претходните дуели со Австрија и дека им недостигаат пријателски средби за стекнување искуство и градење победнички дух.

„Оставаме зад нас уште една репрезентативна сезона. Евро-квалификациите поминаа според очекувањата, иако сите верувавме дека против Австрија можевме да освоиме сет. Бевме блиску – првите два сета беа тесни, а во вториот имавме предност од 23:22, но не ја искористивме шансата.

Радува фактот што се покажавме во подобро светло од претходните средби со истиот ривал. Видовме каде сме и знаеме дека може и мора многу повеќе, доколку работиме сериозно во текот на целата сезона. Затоа, убедена сум дека ни се потребни пријателски натпревари со квалитетни екипи, каде ќе стекнуваме искуство, ќе го градиме победничкиот дух и ќе растеме како тим.

Секое репрезентативно искуство е позитивно, иако оваа генерација мора да го мине потешкиот пат и да се носи со поразите. Се надевам дека ќе го задржиме континуитетот и ќе мотивираме помлади играчи да ни се приклучат,“ изјави капитенот и една од најискусните одбојкарки на Македонија.

По завршувањето на репрезентативните обврски, девојките сега се насочуваат кон клупските предизвици во новата сезона.

Сподели
Напишано од
Виолета Јанчева -

Виолета Јанчева е поранешна фудбалерка која настапувала за неколку екипи од Првата македонска женска фудбалска лига. Одлично го познава македонскиот фудбал, но генерално и македонскиот спорт.

Не пропуштајте

Ракомет

Алкалоид сака европско продолжение по големиот триумф над Пелистер!

Ракометарите на Алкалоид со позитивна атмосфера и дополнителна самодоверба го очекуваат следниот европски предизвик, откако остварија значајна победа во дербито против Еурофарм Пелистер....

Ракомет

Блажески за Спортска Мрежа: Фаворити сме, но мораме да дадеме 100% на двата натпревари!

ГРК Охрид го очекува нов европски предизвик во третото коло од ЕХФ Европскиот Куп, каде што за противник го има литванскиот Драгунас Клаипеда....

Поврзани написи
Кошаркарска репрезентацијаРепрезентација

Селекторот Берокал го објави списокот на кошаркари за дуелот со Кипар

Селекторот на машката сениорска репрезентација на Македонија, Жозеп Марија Берокал, го објави...

РепрезентацијаФудбалска репрезентација

Македонија против Кипар во баражот за опстанок во Б Лигата на нации

Репрезентацијата на Македонија го доби противникот во баражот за опстанок во Б...

РепрезентацијаФудбалска репрезентација

Изов го објави списокот на фудбалерки до 19 години за настап на квалификации за ЕП

Селекторот на женската репрезентација до 19 години, Кирил Изов го објави списокот...

Одбојкарска репрезентацијаРепрезентација

Македонските одбојкарки ги дознаа противниците и распоредот во Европската лига 2027

Женската сениорска одбојкарска репрезентација на Македонија ги дозна противниците и термините за...

✕
error: Содржина е заштитена! Се забранува копирање на истата!