Вечерва одново пенали беа тие кои решаваа патници за влез во четвртфиналето на меморијалниот турнир „Алмир Ибески Алмо 2025“ во прилепско Дебреште.
На првиот меч немаше победник во регуларниот дел, откако Азан Ајаз и Енотека Кафе Рома одиграа 1:1, а во пенал серијата екипата на Озан Ајаз со 3:2 беше подобра.
Во вториот меч тимот на Твинкес со 4:1 го декласираше составот на Доктор Спаско за следна фаза на турнирот во Дебреште.
Во третиот меч беа постигнати пет гола, а екипата на Фасада Чајник со 3:2 го елиминираше Мухамед Доо.
Пилана Жарко и Гарден Голд ремизираа во меч со четири гола, за конечни 2:2, а потоа во ударите од белата точка екипата на Пилана Жарко со 2:1 беше подобра.
Од утре започнува четвртфиналето кое оваа година ќе донесе повеќе од неизвесни натпревари и голема борба за пласман во полуфиналето, а тоа одново ќе биде причина за многубројна публика на трибините.
Спортска Мрежа и годинава е медиумски покровител на турнирот кој важи за еден од најдобро организираните.
