Европската фудбалска федерација (УЕФА) ги соопшти казните за клубовите што учествуваа во првото квалификациско коло од европските купови, а меѓу казнетите се најде и македонскиот гигант – Вардар.
Казната за Вардар е последица на инцидентите за време на натпреварот против Ла Фиорита од Сан Марино. Од Западната трибина беа фрлани пиротехнички средства и петарди, поради што клубот е санкциониран со 20.000 евра.
Дополнително, УЕФА изрече и казна од 10.000 евра поради политичка порака. Навивачката група „Комити“ истакна транспарент посветен на Европскиот парламент, во контекст на дебатите за македонскиот идентитет и јазик – потег што не остана незабележан од делегатот на натпреварот.
Со тоа, Вардар ќе мора да плати вкупна казна од 30.000 евра за прекршување на правилата на УЕФА во однос на безбедноста и неутралноста на трибините.
