Кадетската генерација на Академија Пандев – Брера Струмица, составена од фудбалери родени 2008/2009 година, под водство на тренерите Борче Постолов и Никола Костадинов, прикажува одлични игри на престижниот меѓународен турнир „Христо Бонев“, што се одржува во Боровец, Бугарија.
Струмичките таленти одиграа беспрекорна групна фаза, забележувајќи три победи во трите натпревари, со што обезбедија директен пласман во полуфиналето како првопласирани во групата.
- Резултати на групната фаза:
Академија Пандев Брера Струмица – ФК Македонија ЃП 4:1
Академија Пандев Брера Струмица – ФК ЦСКА Софија 4:0
Академија Пандев Брера Струмица – ФК Славија Софија 2:1
Во недела, струмичани ги очекува полуфинален предизвик против бугарскиот ФК Локомотив Пловдив (11:00 часот), додека во другото полуфинале ќе се сретнат ФК Локомотива Загреб и ФК ЦСКА Софија.
Турнирот во Боровец е одлична можност за оваа шампионска генерација на Брера Струмица, која веќе две години по ред ја освојува дуплата круна во Македонија, да ги потврди своите квалитети на меѓународна сцена.
Одличната организација, силната конкуренција и врвните натпревари само дополнително ја мотивираат оваа талентирана генерација на патот кон уште еден голем успех.
