Повратникот во Првата женска фудбалска лига, екипата на Кочани го претстави своето второ летно засилување за новата сезона. Откако претходно беше промовирана Марија Велиновска за што објави Спортска Мрежа, клубот ја претстави и Ивона Бангиева.
Второто летно засилување на Кочани доаѓа од редовите на радовишка Плачковица, 18-годишната штипјанка кариерата ја започна во струмичкиот прволигаш Тиверија Брера, од каде се пресели во Плачковица, а сега доаѓа во новиот прволигаш.
Станува збор за фудбалерка која игра по левата странична позиција како во одбраната така и во нападот.
ЖФК Кочани под водство на Оливер Јовановски ги започна подготовките за новата сезона. Првите тренинзи ќе бидат фокусирани на физичка подготвеност и тактичка вежба. Веќе од следната недела на подготовките ќе се приклучат и поискусните фудбалерки.
Поранешниот шампион на Македонија во елитата се врати откако минатата сезона заврши прв во Втората лига.
