Утре, со почеток од 11:00 часот, во Олимпискиот центар „Јане Сандански“ (сала за видео проекции), ќе се одржи официјалната промоција на македонските млади олимпијци и спортски таленти кои ќе ја претставуваат Македонија на Европскиот младински олимписки фестивал (ЕМОФ) Скопје 2025
Настанот се организира со цел јавноста да се запознае со најперспективните млади спортисти од различни спортови, кои преку посветеност, дисциплина и напорни подготовки обезбедија место во македонската младинска олимписка делегација.
Нивното учество на ЕМОФ Скопје 2025 е признание за нивниот спортски развој и резултати, но и можност да се натпреваруваат со најдобрите млади спортисти од Европа, да разменат искуства и да го почувствуваат олимпискиот дух.
Оваа делегација ја претставува иднината на македонскиот спорт и олимписко движење, а нивните настапи се инспирација за сите млади спортисти во државата.
Настанот е отворен за медиумите и пошироката јавност, со цел да се даде поддршка и промовираат успесите на овие млади надежи, кои се гордост на Македонија, Скопје и Куманово ќе бидат двата града домаќини кои од 20 до 26 јули ќе бидат центарот на спортските случувања за годинешниот ЕМОФ Скопје 2025, каде во 15 различни спортови ќе се натпреваруваат околу 4000 спортисти на возраст од 15 до 18 години од 49 различни држави.
Овој фестивал е огромна можност за промоција на македонскиот спорт, култура и гостопримство пред цела Европа.
