Тетовска Шкендија го врати едно од своите деца – Арбин Зејнулаи. Македонскиот првак официјално потврди дека 26-годишниот играч за врска повторно ќе го носи дресот на клубот од Тетово.
Зејнулаи е производ на младинската школа на Шкендија и за првиот тим настапуваше од 2016 до 2021 година. Во тој период беше еден од клучните фудбалери на тимот со кој освои две шампионски титули и еден Куп на Македонија.
Со неговото враќање, Шкендија добива проверен и искусен играч кој добро ја познава атмосферата и амбициите на клубот, токму во период кога се борат за задржување на шампионската круна.
