Младиот македонски тенисер Андреј Темов забележа одличен резултат на меѓународниот турнир Дубровник Дуб Боул, кој се играше во две возрасни категории.
Темов настапуваше во конкуренција до 13 години и успеа да стигне до полуфиналето, каде загуби од првиот носител и подоцнежен победник на турнирот, Јухен Лиу од Кина, со 2-0 во сетови (6-2, 6-3).
Македонскиот тенисер одигра одличен турнир, остварувајќи значајни победи. Во осминафиналето го совлада третиот носител Јернер Мариншек од Словенија со 2-0 (6-4, 7-6(2)), а потоа и Јаков Огришек од Хрватска исто така со 2-0 (7-5, 7-5).
Претходно, во групната фаза, Андреј запиша две убедливи победи: над Лука Бох од Словенија со 2-0 (6-2, 6-1) и над Хугас Јургаитис од Литванија со 2-0 (6-2, 6-0). Единствениот пораз во групата му беше од Марко Супица од Словачка, кој славеше со 2-0 (6-3, 6-4).
На истиот турнир во категоријата до 11 години, настапи и македонската тенисерка Јована Атанасовска, која собра меѓународно искуство меѓу своите врсници.
