Новиот второлигаш Големо Коњари го гради ростерот за новата сезона, а меѓу најзвучните засилувања во летниот преоден рок ќе биде ангажманот на искусниот Зоран Даноски, ексклузивно дознава Спортска Мрежа, а засилување кое ќе се промовира во следните денови.
34-годишниот Даноски ќе донесе големо прволигашко искуство во тимот кој ќе го води Јовица Блажевски. Низ својата богата кариера Даноски има стекнато големо искуство, кое ќе биде многу важно за Големо Коњари кој ќе цели кон директен опстанок во Втората лига.
Даноски зад себе има исклучително богата домашна но и интернационална кариера. Во Македонија настапуваше за Металург, Кожуф, Победа, Тиквеш, Брегалница, додека пак во странство беше дел од неколку екипи во Чешка, потоа настапуваше во Интер Запресиќ во Хрватска, во Србија беше дел од Радник, Пролетер, Младост, Нови Пазар, во Босна и Херцеговина го носеше дресот на Звијезда.
Даноски тука и ги направи свои први фудбалски чекори, а тука сака да стави и крај на својата голема и богата фудбалска кариера, но и да биде пример за многу млади фудбалери кои ќе го носат дресот на Големо Коњари. Пример како да се следи една успешна фудбалска кариера, како да се изградат во професионални фудбалери.
Во текот на денот Спортска Мрежа ексклузивно ќе ги објави останатите засилувања кои ги договори Големо Коњари за новата сезона.
