Турнирот во мал фудбал „Благој Истатов 2025“ продолжува со возбудлива динамика, а вечерва три убедливи победи во рамки на групната фаза, за тотална доминација на радовишани.
Екипата на Фурна Марфи буквално го „распадна“ составот на Радио Имплус, кој беше инфериорен противник на теренот, да може во било каква акција да го спречи налетот на противникот од Радовиш.
Во вториот и третио меч доминираше Фраит Оне, уште една екипа од Радовиш, која запиша две големи победи. Во првиот меч Фраит Оне со „петарда“ брзо го реши Фенербахче, кој немаше сили и капацитет за пресилниот противник, а резултатот беше 5:1.
Веднаш потоа Фраит Оне одигра уште еден натпревар, каде одново радовишани беа доминантни за уште еден голема победа од 4:2 над екипата на Лени Плус.
Во младинскиот дел од турнирот, тимот на Пица Делиција продолжи со импресивна форма, победувајќи ја екипата на Феникс со високи 0:8. Тимот ја покажува својата надмоќ во оваа категорија и важи за фаворит во борбата за трофејот кај помладите генерации.
Турнирот продолжува со нови мечеви, а атмосферата во Чифлик маало во Струмица станува сè пожешка како што се ближи крајот на групната фаза.
Следете ги сите резултати, табели, видео и извештаи ексклузивно на Спортска Мрежа, медиумски покровител на „Благој Истатов 2025“.
