На стартот од новата сезона во Општинската фудбалска лига Кисела Вода или Четврта лига, екипата на Кул со 10:0 го декласираше тимот на Вардар 75.
Во натпрвар на тотална доминација Кул стигна до голем триумф. На полувреме резултатот беше 3:0, а во вториот дел Вардар 75 во целост потфрли.
Никола Ѕурѕу беше двоен стрелец, заедно со Горјан Манасиевски, по еден гол постигнаа Стефан Здравески, Ангел Петрушевски, Леониод Џајкоски и Никола Николов и Кристијан Цветановски, додека пак Кристијан Димовски си постигна автогол.
Првото коло ќе се комплетира денес. Слободен на домашен терен ќе игра со Студеничани, Младинец против Текстилец, Зелениково ќе игра со ланскиот третолигаш ССК Нова, а пак Победа против Славија Пржино.
Во новата сезона во ОФЛ Кисела Вода се натпреваруваат десет екипи.
