По шест одиграни кола во Втората македонска фудбалска лига, фудбалерот на Кожуф, Дарко Грозданоски е најдобар стрелец и понатаму со седум погодоци, но неговата предност се стопи на само еден гол, откако Симеон Христов од Македонија ЃП дојде до само гол негатива односно Христов има шест погодоци.
На третото место на листата на стрелци е Димче Јовов од Беласица, а потоа следува Аљбин Рамадани од Арсими со четири погодоци.
По три погодоци имаат Илија Баламов од Вардарски, Хусеин Демири од Башкими, Христијан Кировски од Скопје, Тони Мичковски и Андреј Симевски од Каменица Саса и Никола Талески од Победа.
По шест кола само еден автогол, истиот си го постигна Павле Петров од Борец.
