По шест одиграни кола во Втората македонска фудбалска лига само Беласица и новиот второлигаш Вардарски немаат триумф. Беласица по шест кола има скор од еден пораз и пет ремија во низа, а пак Вардарски има скор од две ремија и четири порази.
Беласица која настапува со млади играчи и сака да изгради млад тим со кој ќе се носи во иднина надополнет со неколку искусни играчи во новата сезона тргна со пораз од Арсими (4:2), а потоа во низа следуваат ремија против Вардар Неготино (2:2), Охрид (1:1), Победа (1:1), Башкими (1:1) и Новаци (0:0).
Вардарски како повратникот во Втората лига после 27 години тргна со реми против Скопје (2:2), следуваше пораз од Кожуф (1:3) во дербито на Југот, реми со Детонит Плачковица (1:1) во Радовиш и три последователни порази од Борец (3:1), Брегалница (1:2) и Македонија ЃП (0:2).
Двете екипи имаат и негативна гол разлика, Беласица има седум постигнати и девет примени погодоци или минус два, а пак Вардарски е со уште полоша гол разлика од шест постигнати и 13 примени погодоци за гол разлика од минус седум.
Сепак, Вардарски во новата сезона има скромни амбиции да успее да стигне до баражот. Екипите кои обезбедуваат пласман во Втора од Трета лига имаат тежок период во првата сезона да се адаптираат на посилната конкуренција и нивото на игра, Вардарски извлече два бодови од тешки противници имаше и тешки натпревари.
Беласица во новата сезона гради тим со млади играчи, промовира млади играчи од својата школа, а тоа го „наплаќа“ со ваквите резултати, но струмичкиот тим е трперлив кон градењето на тимот и промоцијата на младите играчи, но во следниот период повеќе од јасно е дека резултати ќе дојдат на долгорочен план.
