Фудбалскиот клуб Големо Коњари кој се избори за влез во Втората македонска фудбалска лига интензивно работи на подобрување на инфраструктура со цел теренот да ги исполни условите за одигрување на натпреварите.
За таа цел клубот организира поголема акција со сите жители на самото село, а кој ќе се одржи на 15 јуни (недела) со почеток од 16 часот, во која ќе бидат вклучени сите со цел да се забрза темпото на работни активности.
„Ги известуваме сите жители на Големо Коњари, ве повикуваме кој може во недела (15 јуни) со почеток од 16 часот да излезе на стадион, да ни помогне во стадионот и околу него за подготовка за второлигашките натпревари. Кој сака може и со трактори да дојде, со приколки, ќе има носење на земја ќе се потполнуваат и ќе се санираат некои нерамни места. Ќе има секакви активности и секоја ваша помош ќе ни биде од големо значење“, се вели во соопштението на ФК Големо Коњари.
Како што веќе информираше Спортска Мрежа нов тренер на Големо Коњари е Јовица Блажевски, кој ќе има една цел – да избори опстанок со клубот.
Погледнете како течат подготовки на теренот во Големо Коњари, со цел истиот да ги исполни сите потребни услови за одигрување на домашните натпревари од Втората лига на својот терен во селото Големо Коњари.
