Фудбалскиот клуб Огражден од Ново Село претстави четири нови засилувања за новата сезона од Општинската фудбалска лига Струмица или Четврта лига по ранг на натпреварување.
После долги години се враќа Општинската фудбалска лига во Струмица, која ќе се протега во повеќе општини, односно Струмица, Ново Село, Босилово, Василево, Радовиш и Конче.
ФК Огражден за таа цел веќе го крои тимот за новата сезона, веќе промовираше четири засилувања, а во текот на месец ниту ќе бидат претставени уште десеттина фудбалери.
Клубот ги престави Никола Јарков, Спасе Терзиев, Никола Трајков и Александар Коцев. Дополнително, шанса ќе добиваат и сите млади играчи.
„После одлуката за учество во сениорска лига, ФК Огражден Ново Село обезбеди три засилувања, клубот е во преговори со уште десетина фудбалери кои ќе бидат претставени до крај на месец Јуни. Тука се и нашите млади надежи кои ќе добијат шанса во новата 2025/26 сезона. Нашите цели и амбиции се јасни, секој нов фудбалер со себе ќе донесе победнички менталитет со кој фудбалот во општина Ново Село ќе биде на достојно ниво“, вели претседателот на клубот Миле Ѓоргиев.
Во следниот период ќе биде познато кои екипи ќе настапат во Општинската фудбалска лига Струмица.
