Шампионот Еурофарм Пелистер им се врати на победите откако триумфираше над Тиквеш од 29:25 во Битола, а во рамки на 6. коло на плеј-офот на Суперлигата.
Битолчани сега ќе чекаат на пораз на Вардар во скопската пресметка со Алкалоид во Автокоманда, како би избиле одново на врвот.
Тиквеш играше одлично во Битола, а Еурофарм Пелистер наиде на голем отпор кај гостинот од Кавадарци. На полувреме Тиквеш имаше предност од 11:12, па во вториот дел битолчани преку пресврт стигнаа до победата од 29:25.
Дејан Манасков беше прво име кај Еурофарм Пелистер со 10 гола, а пак Филип Кузмановски имаше пет гола, додека пак кај Тиквеш прв беше Славчо Шулески со шест гола, а пак Даниел Андоноски имаше пет гола.
