Екипата на Бутел Скопје го запиша првиот триумф во плеј-офот и со тоа дојде до првите бодови, откако во рамки на 6. коло со 29:31 го доби Охрид и тоа во „Билјанини Извори“.
Скопскиот тим имаше постојана разлика која се обидуваше да ја намали и да го сврти резултатот. Охриѓани одлично го отоврија мечот и имаа предност, а во текот на првиот дел имаа предност од пет гола при 11:6, а на полувреме имаа предност од 17:14.
Во вториот дел Охрид губеше концентрација во нападот, а тоа му одеше во прилог на Бутел Скопје кој ја топеше предноста на „рибари“ и така дојде и до предност при 27:28, а потоа гостинскиот голман Александар Стојаноски ја „спушташе ролетната“ во клучни моменти и така го обезбеди триумфот за неговиот тим од 29:31.
Кај Охрид најдобар беше Гал Цирар кој постигна седум гола, а пак Теимураз Ојронокидѕе имаше пет гола за охридскиот тим, кај Бутел се истакнаа Димитар Узунчев и Христијан Милошески со по седум гола.
