Денес во Штип се игра дербито на колото меѓу Брегалница и Македонија ЃП, а во рамки на 26. коло на Втората фудбалска лига.
Дерби на два екс прволигаши кои лани заедно испаднаа од Прва лига, а сега имаат цел за експресно враќање во Прва лига.
Капитенот на Брегалница, Давид Калпачки, кој е најдобар стрелец на „сините“ вели дека денес ќе играат против најдобриот состав во лигата, додава дека целта на Брегалница е едно од првите две места, евентуално трето место за да играат бараж за Прва лига.
„Играме можеби против најдобриот состав во лигата, тоа значи дека не очекува доста тежок, но и интересен натпревар. Се подготвуваме максимално, очекувам со мудра и паметна игра да ги оставиме трите бодови во Штип. Нашите амбиции се освојување на едно од првите две места, евентуално трето за да играме бараж за прва лига. Тоа мораме да го покажеме и на терен“, вели капитенот Калпачки.
Натпреварот се игра денес со почеток од 16 часот на Градскиот стадион во Штип.
