На пет кола до крајот екипата на Шкендија од Арачиново е шампион во Третата македонска фудбалска лига – Север со тотална доминација. Тимот кој го предводи Еркан Мурсели има учинок од 19 победи, едно реми и еден пораз и вкупно 58 освоени бодови, а пак Фортуна која е втора има 39 бодови.
Тимот од Арачиново не го запираше ништо на патот кон тоа да стане шампион и со тоа да го обезбеди баражот за можен влез во Втората лига. Екипата на Шкендија Арачиново го има најефикасниот напад која постигна 81 гол, а ја има и најдобрата одбрана со само четири примени погодоци.
Страгегот Мурсели на пет кола до крајот веќе прави планови и подготовки за баражот, а со тоа тимот на Шкендија Арачиново истиот да го помине и од следна сезона да биде дел од Втората лига.
Засега имаме два шампион во Трета лига, чекаме на потврда на уште три. Шкендија Арачиново е шампион во Трета лига – Север, а пак Слога Виница е шампион во Трета лига – Исток.
Пред потврда на првото место и со оа баражот за Втора лига се Преспа во Трета лига – Југозапад, Тетекс во Трета лига – Запад, а пак Големо Коњари во Трета лига – Југ.
Речиси и сигурно е дека Осогово ќе биде во баражот за опстанок во Втора лига, па со тоа овие екипи ќе бидат тие кои ќе играат во баражот за Втора лига.
