Вардар го превзема врвот на табелата во ракометната Суперлига откако го доби Еурофарм Пелистер во Битола, па со тоа вардарци сега е први со 12 бодови, додека пак актуелниот шампион од Битола е втор со 11 бодови.
Ваквите околности прават да имаме повеќе од неизвесна борба за титулата до крајот односно до последното коло.
На третото место е Алкалоид со осум бодови на своето конто, а пак Охрид е на четвртото место со 5 бодови. На петото место останува Тиквеш со три бодови, а на последното место е Бутел без бодови.
- ТАБЕЛА ВО ПЛЕЈ-ОФ СУПЕРЛИГА:
| П | Екипа | Н | П | Р | И | ДГ | ПГ | ГР | Б |
|---|---|---|---|---|---|---|---|---|---|
| 1 | РК Вардар 1961 | 5 | 5 | 0 | 0 | 164 | 134 | +30 | 12 |
| 2 | РК Еурофарм Пелистер | 5 | 4 | 0 | 1 | 156 | 135 | +21 | 11 |
| 3 | РК Алкалоид Ракомет | 5 | 3 | 0 | 2 | 157 | 149 | +8 | 8 |
| 4 | ГРК Охрид | 5 | 2 | 0 | 3 | 121 | 130 | -9 | 5 |
| 5 | ГРК Тиквеш 2014 | 5 | 1 | 0 | 4 | 124 | 147 | -23 | 3 |
| 6 | РК Бутел Скопје | 5 | 0 | 0 | 5 | 123 | 150 | -27 | 0 |
Лидер на табелата во плеј-аутот е Пролет со 11 бодови и веќе е потврден опстанокот и скопскиот тим ќе има мирна завршница, а пак Прилеп е втор со двет бодови и со тоа и прилепчани веќе одат кон потврда на директниот опстанок.
На третото место е Куманово кој има седум бодови, а потоа доаѓа неизвесната борба за директен опстанок. Радовиш е на 4. место со четири бодови, толку има и Борец ФЛ кој е петти, а пак Струга е шеста со ист број на бодови.
Колку за потсетување последната екипа во плеј-аутот директно испаѓање во Првата лига, а пак претпоселдната екипа игра бараж за опстанок со екипата која ќе биде втора во плеј-офот на Првата лига.
- ТАБЕЛА ВО ПЛЕЈ-АУТОТ СУПЕРЛИГА:
| П | Екипа | Н | П | Р | И | ДГ | ПГ | ГР | Б |
|---|---|---|---|---|---|---|---|---|---|
| 1 | РК Пролет 62 | 5 | 4 | 0 | 1 | 136 | 120 | +16 | 11 |
| 2 | РК Прилеп | 5 | 3 | 1 | 1 | 133 | 120 | +13 | 9 |
| 3 | МРК Куманово | 5 | 2 | 1 | 2 | 122 | 120 | +2 | 7 |
| 4 | РК Радовиш | 5 | 2 | 0 | 3 | 128 | 130 | -2 | 4 |
| 5 | РК Фруит Ленд Борец | 5 | 1 | 1 | 3 | 131 | 140 | -9 | 4 |
| 6 | РК Струга | 5 | 1 | 1 | 3 | 121 | 141 | -20 | 4 |
