Екипата на Охрид вечерва го освои Кавадарци откако со 20:24 триумфираше во рамки на 5. коло од плеј-офот на Суперлигата. Ракометарите на Охрид имаа одлично прво полувреме, откако истото го добија со резултат од 6:14.
Тиквеш имаше крајно лошо прво полувреме, а тоа беше причината и за поразот, во вториот дел се обиде да се поправи но беше доцна. Во вториот дел „гладијаторите“ во три навради имаа плус девет при 6:15, потоа 7:16 и 8:17, а до крајот Тиквеш успеа само да го ублажи поразот на минус четири за 20:24.
Кристијан Анастасовски беше најдобар стрелец кај Тиквеш со седум гола, а пак кај Охрид се истакна Теимураз Орјоникидзе со девет гола, а пак Даниел Ѓорѓески имаше 12 одбрани.
Куманово забележа важна победа од 28:25 на домашен терен над Борец ФЛ и со тоа прави голем исчекор кон директниот опстанок и со тоа тимот на Куманово да има мирна завршница од сезоната.
Велешани мечот го отворија со гол за водство, се играше гол за гол и постојано се менуваше водството и на двете страни, а на полувреме домаќинот имаше 14:13. Во вториот дел Куманово за првпат имаше плус три при 20:17, а таа предност ја одржуваше се до 23:23 кога Борец ФЛ се обиде да дојде до нова предност, но Куманово не дозволи изненадување и мечот го доби со 28:25.
Најдобар кај Куманово стандардно беше Давид Димевски, а пак кај Борец ФЛ со девет гола се истакна Габриел Гуедеш Черубим.
