Кои екипи испаѓаат од Трета лига – Север?

Во Трета лига – Север ќе биде навистина неизвесно околу тоа кои екипи ќе испаднат во Општинската лига или Четвртата лига по ранг на натпреварување.

Согласно пропозициите за натпреварување за Трета лига, согласно член 56 е дефинирано кои екипи испаѓаат од Трета лига во Општинската лига односно Четвртата лига.

(1)Бројот на екипите кои испаѓаат од Третите лиги зависи од бројот на екипите кои се натпреварувале во третите лиги во сезоната 2024/2025.

-во трета лига која брои до/и 12 екипи директно испаѓаат двете последно пласирани/ рангирани екипи на конечната или табелите од член 32а.

-во трета лига која брои до/и 14 екипи директно испаѓаат три последно пласирани/ рангирани екипи на конечната или табелите од член 32а табела.

(2)Екипите пласирани на последователно повисоките позиции од погоре наведените во став 1 на овој член редоследно испаѓаат во зависност од територијалната припадност на екипите кои испаѓаат од Вторите лиги и пласманот на првакот во повисок ранг.

(3)Екипите кои се откажале или се дисквалификувани од натпреварувањето можат да го зголемат бројот на екипите кои испаѓаат од Третите лиги.

Ова значи дека во Трета лига – Север ќе испаднат последните три екипи, односно тоа ќе бидат екипите рангирани на 14-тото, 13-тото и 12-тото место.

• ЦЕЛА ТАБЕЛА ОД ТРЕТА ЛИГА – СЕВЕР:

Во најтешка ситуација за опстанок е екипата на Њу Старс, а неизвесна завршница од сезоната кога е во прашање опстанокот ги очекува повеќе екипи како Академија Илинден, Башкими Љуботен, новајлијата Пчиња, Риниа, некогашниот второлигаш Кадино, Беса од Слупчане.

Табелата во долниот дел е многу израмнета со една победа екипата може да биде надвор од зоната за испаѓање, а пак со пораз може да заврши во зоната за директно испаѓање.

До крајот од сезоната во Трета лига – Север има уште пет кола или во игра се 15 бодови, па математички многу комбинации се во прашање и засега сите екипи се во игра за директен опстанок, односно математички се’ уште нема испаднато екипи во Општинската лига.

• РЕЗУЛТАТИ ОД 21. КОЛО НА ТРЕТА ЛИГА – СЕВЕР:

Во недела ќе се одиграат натпреварите од 22. коло на Третата македонска фудбалска лига – Север, а тоа ќе значи дека борбата за опстанок во Трета лига – Север продолжува, со оглед дека на пет кола до крајот Шкендија Арачиново стана шампион и ќе игра бараж за можен влез во Втора лига.

• НАЈАВА НА 22. КОЛО ВО ТРЕТА ЛИГА – СЕВЕР: