Лидерот во Трета лига – Југ ги продолжува победите откако со 2:0 го совлада Бучин во меч од 21. коло.
Гостинот пружи силен отпор, па во првиот дел немаше погодоци (0:0), за што домашниот тим во вториот дел веднаш го отвори резултатот откако во 46. минута Илчо Митревски постигна гол за 1:0, а по четири минути Ерџан Ибраимоски постигна гол за 2:0, тоа беше и конечен резултат бидејќи до крајот резултатот „замрзна“.
Минимална победа за некогашниот второлигаш Росоман кој со 0:1 го доби Венец во Долни Дисан, а стрелец на единствениот победнички гол беше Драган Митров, истиот беше постигнат во 8. минута.
Башкими 2008 однесе висока победа од 1:4 на гостински терен над Дреново. Гостинот го отвори резултатот во 16. минута преку Јајов и на полувреме беше 0:1. Во вториот дел Јованов израмни на 1:1, а потоа гостинот преку Ахмедовски, Јашари и Арбен дојде до конечните 1:4.
Трите бодови заминаа во Кривогаштани откако Младост на гостувањето во Лажани со 2:3 ја доби Слога. Антонито Дiмоски по четири минута игра погоди за 0:1, а потоа веднаш во 5. минута Фатон Ибраими постигна гол за 1:1.
Во 11. минута од мечот Адмир Угљанин постигна гол за пресврт и водство на Слога од 2:1, но за помалку од 60 секунди гостинот преку Мартин Деркоски постигна гол за 2:2 во првиот дел.
Во второто полувреме гостинот преку Димитар Китаноски во 62. минута направи пресврт за конечните 2:3.
Питу Гули иако на полувреме имаше предност од еден гол, сепак во вториот гол прими два погодоци и со 1:2 загуби од Ултрас на домашен терен.
Александар Неделкоски во 38. минута постигна гол за отварање на резултатот во Крушево. Во вториот дел Христијан Баракоски постигна гол за 1:1 во 47. минута, а херој за гостинскиот тим беше Игор Паноски, кој во 78. минута постигна гол за конечни 1:2.
