Лидерот Преспа продолжува во одлична победничка форма кон потврда на првото место, подигање на шампионскиот пехар во Трета лига – Југозапад и обезбедување на баражот за можен пласман во Втората македонска фудбалска лига.
Преспа на Градскиот стадион во Ресен пред својата публика со убедливи 5:1 го декласираше ланскиот второлигаш Караорман од Струга.
Домаќинот преку искусниот голгетер Нико Пластиновски го отвори резултатот за водство од 1:0 во 15. минута од мечот, а четири минути подоцна гостинот од Струга преку капитенот Ивица Ќелешоски израмни на 1:1 со гол од белата точка.
Сепак, само една минута подоцна Преспа одново дојде до водство кога Александар Поповски постигна гол за 2:1, резултат со кој се замина и на полувреме.
Во второто полувреме Пластиновски со втор гол зголеми на 3:1 во 54. минута, само две минути подоцна Игор Скепаровски со одличен топовски удар ја стресе мрежата на Караорман за убедливи 4:1.
Во 64. минута од искусниот капитенот Пластиновски постигна уште еден гол за хет-трик и потврда на убедливата победа од 5:1 над Караорман.
Колото ќе се комплетира утре со останатите натпревари.
- СИТЕ ПЕТ ГОЛА НА ПРЕСПА ВО УБЕДЛИВАТА ПОБЕДА НАД КАРАОРМАН:
