Првото коло во Трета лига – Север ни го донесе и мега дербито меѓу БВК Коњаре и Шкендија Арачиново, кое се одигра на теренот во Средно Коњаре, а кое заврши со триумф за третолигашот од Арачиново со резултат од 0:2. Руфат Чалафи од белата точка погоди за 0:1, а потоа во вториот дел по изведен корнер од Бујар Иљази, капитенот на домашниот тим Адем Аџами лошо интервенираше при избивањето на топката и истата ја смести во сопствената мрежа за конечни 0:2, со што трите бодови патуваат во Арачиново.
Спортска Мрежа ви ја носи атмосферата од самиот натпревар, пред и по натпреварот, со изјави на Љупче Трпески, фудбалерот на Шкендија Арачиново, кој го засили овој амбициозен клуб од прволигашот Воска Спорт, како и изјава на Алмин Смајовиќ, претставник на БВК Коњаре.
Овој натпревар можевте да го следите ексклузивно на М Нет телевизија, каде коментатор беше спортскиот новинар Александар Ванев, а притоа имате можност да ги погледнете двата погодоци од овој меч.
- АТМОСФЕРА И ИЗЈАВИ ОД МЕЧОТ БВК КОЊАРЕ – ШКЕНДИЈА АРАЧИНОВО, 1. КОЛО ТРЕТА ЛИГА – СЕВЕР:
Шкендија Арачиново прва задава удар кон првото место и баражот за Втора лига, а во трката за првото место и баражот влегува сериозно и некогашниот прволигаш Еуромилк ГЛ.
ВИДЕО: Спортска Мрежа
